بەڕێوەبەرێتی ڕاگەیاندن و پەیوەندییەکان

ڕێکەوت : 19 - Oct - 2023

بەڕێوەبەرێتی ڕاگەیاندن و پەیوەندییەکان

ڕاگەیاندن ئۆرگانێکی گرنگی هەموو وەزارەت و دامودەزگایەکی حکومی ناحکومی و ناوەند و ڕێکخراوەکانە، لەئێستادا بەبێ بوونی میدیا ئەستەمە هیچ کارێک بەرەوپێش بچێت، بەڕێوەبەرێتی ڕاگەیاندن یەكێكە لە بەڕێوەبەرێتییەكانی پەیمانگەی تەکنیکی کوردستان، ڕاگەیاندن بە چاوی سەرجەم دامەزراوەکان دادەنرێت و سەرەتا و کۆتایی هەموو کارەکان پەیوەندییان بە ڕاگەیاندنەوە هەیە، تەنانەت ئەمڕۆ هەلی کار و بواری بازرگانی ڕیکلام بەشێکی گرنگی بواری ڕاگەیاندن پێکدەهێنن و دەبنە زەمینەیەکی گونجاو بۆ بەرەوپێشبردنی سەرجەم کار و پرۆژە جیاوازەکان.

 ئەم بەڕێوەبەرێتییە لەڕووی كارگێڕییەوە سەر بە ڕاگرایەتی پەیمانگەیە، ئەركی ئەم بەڕێوەبەرێتییە لەڕووی كاری دەنگیی و ڕاگەیاندنەوە سەرپەرشتیكردن و ڕێكخستنی سەرجەم سیمینار و كۆنفرانس و وۆركشۆپەكانە، هەروەها ڕووماڵكردنی سەرجەم كار و چالاكییەكانی پەیمانگە بەشێوەیەكی زانستییانە و گواستنەوەیان لەڕێگەی وێب سایت و تۆڕەكۆمەڵایەتییەكانی پەیمانگەوە، هاوكات سەرپەرشتیكردن و بەڕێوەبردنی وێب سایت و تۆڕەكۆمەڵایەتییەكانی پەیمانگە لە ئەستۆی ئەم بەڕێوەبەرێتییەدایە. بەشێک دیکە لەکاری ڕاگەیاندن بریتییە لە کاری مارکیتینگ و بەرەوپێشبردنی سەرجەم لایەنەکانی ئەم بوارە.

ئەم بەڕێوەبەرێتییە سەرەڕای ئەنجامدانی کاری ڕاگەیاندنی پەیمانگە، ڕێکخستنی سەرجەم پەیوەندییەکانی پەیمانگەشی لە ئەستۆدایە، لەسەر ئاستی وەزارەتی خوێندنی باڵا و توێژینەوەی زانستی و سەرجەم دامەزراوەکانی تری حکومی و ناحکومی هەماهەنگی تەواودەکات بۆ بەرەوپێشبردنی ئیش و کارەکانی پەیمانگەی تەکنیکی کوردستان.