دڵنیایی جۆری و دانپێدانانی نێودەوڵەتی

ڕێکەوت : 20 - Jul - 2026

لە پەیمانگەی تەکنیکی کوردستان (KTI)، دڵنیایی جۆری و کواڵێتی خوێندن و بەڕێوەبردن بنەمای سەرەکیی هەموو چاڵاکی و کارەکانمانە. پەیمانگەکە بەردەوام کار و پرۆسە ئەکادیمی و کارگێڕییەکانی بەپێی بەرزترین پێوەرە نێودەوڵەتییەکان هەڵدەسەنگێنێت و بەرەوپێش دەبات. لە ئەنجامی ئەم پابەندبوونەدا، KTI یەکەم دامەزراوەی خوێندنی باڵایە لە عێراق و هەرێمی کوردستان کە بڕوانامەی ISO 9001:2015 لە بواری سیستەمی بەڕێوەبردنی جۆری (Quality Management System) بەدەستهێناوە؛ ئەوەش نیشانەی پابەندبوونی پەیمانگەیە بە باشترکردنی بەردەوام، بەرزکردنەوەی کوالێتی خزمەتگوزاری و دابینکردنی پێداویستییەکانی فێرخوازان و هەموو پەیوەندیداران.

دانپێدانانی نێودەوڵەتی IEAC (بەریتانیا)

پەیمانگەی تەکنیکی کوردستان دانپێدانانی دامەزراوەیی تەواوی (Full Institutional Accreditation) لەلایەن ئەنجومەنی دانپێدانانی پەروەردەی نێودەوڵەتی (IEAC) لە شانشینی یەکگرتوو (بەریتانیا) وەرگرتووە، بە پلەی گشتی ٥ ئەستێرە (★★★★★) بە ژمارەی IEAC-ACC-2026-015. ئەم دانپێدانانە لە ٢٤ی نیسانی ٢٠٢٦ تا ٢٤ی نیسانی ٢٠٣٠ کاریگەرە و بە مەرجی هەڵسەنگاندن و چاودێریی بەردەوام درێژەی دەبێت.

ئەم دانپێدانانە پشتڕاستدەکاتەوە کە KTI لە بوارەکانی بەڕێوەبردن، فێرکردن و فێربوون، بەرنامە ئەکادیمییەکان، دڵنیایی جۆری و خزمەتگوزارییەکانی فێرخوازاندا، پێوەرە نێودەوڵەتییەکان جێبەجێ دەکات.

ئاستی سەرکەوتنی KTI لە هەڵسەنگاندنی IEAC

خەڵاتە تایبەتەکانی IEAC

سەرەڕای وەرگرتنی دانپێدانانی تەواوی دامەزراوەیی، پەیمانگەی تەکنیکی کوردستان دوو خەڵاتی تایبەتی IEAC یشی بەدەستهێناوە، وەک پێزانینێک بۆ هەوڵ و سەرکەوتنەکانی لە بوارە جیاوازەکاندا.

فێربوونی پراکتیکی و گرێدان بە بازاڕی کار

ئەم خەڵاتە پێبەخشرا بەهۆی ئەوەی KTI فێربوونی تیۆری و پراکتیکی بە شێوەیەکی سیستەماتیک گرێداوەتەوە بە پێداویستییەکانی بازاڕی کار، لە ڕێگەی:

• ڕاهێنانی هاوینەی ناچاری بۆ هەموو فێرخوازان.
• مەشقی مەیدانی لەژێر چاودێری و سەرپەرشتیی پسپۆڕان.
• هاوکاری لەگەڵ دامەزراوە و کۆمپانیاکان.
• دابینکردنی تاقیگە و کارگەی هاوچەرخ.
• ئامادەکردنی دەرچووان بۆ چوونە ناو بازاڕی کار.

داهێنانی دیجیتاڵی لە فێرکردن و هەڵسەنگاندندا

ئەم خەڵاتە بە پەیمانگە بەخشرا لەبەر بەکارهێنانی تەکنەلۆژیای نوێ لە پرۆسەی فێرکردن و هەڵسەنگاندندا، لەوانە:

• سیستەمی ناوەندی بەڕێوەبردنی فێربوون (LMS).
• پلاتفۆرمە دیجیتاڵییەکانی وانەوتنەوە.
• بەکارهێنانی تەکنەلۆژی لە تاقیکردنەوە و هەڵسەنگاندن.
• سیستەمی هەڵسەنگاندنی ئۆتۆماتیکی OMR.
• چارەسەری دیجیتاڵی بۆ باشترکردنی فێرکردن و فێربوون.

پابەندبوون بە باشترکردنی بەردەوام

پەیمانگەی تەکنیکی کوردستان پابەندە بە درووستکردنی کەلتوورێکی بەهێزی دڵنیایی جۆری و باشترکردنی بەردەوام، لە ڕێگەی پێداچوونەوەی بەرنامە ئەکادیمییەکان، پەرەپێدانی خزمەتگوزارییەکانی فێرخوازان، بەرزکردنەوەی ئاستی بەڕێوەبردن، وەبەرهێنان لە گۆڕانکارییە دیجیتاڵییەکان، و هاوتاکردنی هەموو پرۆسەکان لەگەڵ باشترین پێوەرە نێودەوڵەتییەکان. ئەم هەوڵانە دڵنیایی دەدەن کە دەرچووانی KTI خوێندنێکی بەرزکوالێتی و دانپێدراوی نێودەوڵەتی وەردەگرن.

دڵنیابوونەوە لە دانپێدانان

بۆ دڵنیابوونەوە لە ڕاستیی دانپێدانانی پەیمانگەی تەکنیکی کوردستان، دەتوانن سەردانی پڕۆفایلی فەرمیی پەیمانگە لە ماڵپەڕی IEAC بکەن لە ڕێگەی ئەم بەستەرەوە:

https://www.ieac.org.uk/kurdistan-technical-institute-iraq.php