ئامانجە ستراتیجیەکان

ڕێکەوت : 06 - Feb - 2025

ئامانجە ستراتیژییەکان
ئامانجە ستراتیجیەکان لە پەیمانگەی تەکنیکی کوردستان  (KTI)، نەخشە رێگا و بەرچاو روونین بۆ سەرجەم ستافی ئەکادیمی و کارگێری و هەر ئەندامێکی تر کە لە پەیمانگە کاردەکەن لە ماوەیەکی دیاریکراودا بە پێی پلانی پەسەند کراو. ئەم ئامانجانە دوای هەڵسەنگاندن و پێداچوونەوەی لەلایەن راگرایەتی و ئەنجومەنی پەیمانگەوە پەسەند کراوە بە شێوەیەک هاوتا بێت لەگەڵ پلانی دەستەی ئەمینداران بۆ بەرەوپێشچوونی پەیمانگە لەسەر ئاستی هەرێمی و عێراق و نێودەوڵەتی. ئەم ئامانجانە بەردەوام پێداچوونەوەیان پێدا دەکرێت، بەرێوەبەرێتی کواڵێتی کارگێری بەپرسە لە گۆرانکاریەکان کردن لە ئامانجەکان بە پێی پێویستی سەردەم و گۆرانکاری لە بەرنامە و پلانی پەیمانگە دوای پەسەندکردنی لەلایەن راگرایەتی و ئەنجومانەی پەیمانگەوە.

ئامانجە ستراتیژییەکانی پەیمانگە

·        زیادکردنی سەرچاوە دارایییەکان
فراوانکردنی سەرچاوەکانی داهاتی پەیمانگاکە.

·        گرنگیدان بە ژینگەی و ووزە نوێبوەکان
گۆرینی سەرچاوەکانی ووزە بۆ ووزە نوێبووەکان لە بینای پەیمانگە و دەرەوەی پەیمانگەش.

·        بەستنەوەی پەیمانگە بە کۆمەڵگاوە لەڕێگەی فێرکردن و توێژینەوە
پێشکەشکردنی پرۆگرامێکی باش، هاندانی توێژینەوە و دابینکردنی ژینگەیەکی فێربوون کە هاوتا بێت لەگەڵ داواکاریە ناوخۆیی و جیهانیەکان.

·        پەرەپێدانی ژینگەی فێرکردن
ئاشناکردن و هاندانی مامۆستتایان بۆ بەردەوام باشترکردنی رەوتی فێرکردن و جۆرەکانی وانە ووتنەوەی سەردەم بۆ سەرجەم فێرخوازانمان.

·        هاندان بۆ کەلتوری بەرەوپێشچوونی بەردەوام
بە ئەلیکترۆنیکردنی سەرجەم کاروبارەکان و بەکارهێنانی سیستەمی پێشکەوتوو (ERP) بۆ باشترکردنی کارەکانی پەیمانگاکە.

·        جێبەجێکردنی سیستەمی کوالێتی کارگێری
دەست پێکردنی رێکارەکانی بە دەستهێنانی بروانامەی نێودەوڵەتی بەڕێوەبردنی ژینگەیی (ISO 14001) و تەندروستی و سەلامەتی (ISO 45001).

·        برواپێهانانی تاقیگەکان
هەوڵدان بۆ بەدەستهێنانی بروانامەی فەرمی عێراقی بۆ تاقیگەکانی پەیمانگە.

·        هەوڵدان بۆ زیادکردنی توێژینەوە کاریگەرەکان
هاندان و گرتنە بەری ریکارەکانی زیاد کردنی ژمارەی توێژینەوەکان با تایبەت لە رووی کواڵێتی و کاریگەریەوە.

·        تەرخانکردنی ژێرخان و سەرجاوە تایبەت بە توێژینەوە
پشتگیری کردنی ستاف و توێژەرەکان بە دابین کردنی ژێرخان و سەرچاوەی تایبەت بۆ هاندان و بڵاوکردنەوەی توێژینەوەی ئاست بەرز

·        فراوانکردن و ئەنجامدانی لێك تێگەیشتنی نێودەوڵەتی بۆ توێژینەوە.
فروانکردنی پەیوەندیەکانی پەیمانگە بۆ دۆزینەوەی دەرفەتی زیاتر بۆ مامۆستایانمان تا بتوانن توێژینەوە و پرۆژەی تایبەت پێشکەش بکەن.

·        دابینکردنی ستافی ئەکادیمی ئاست بەرز
کارکردن لەسەر هێنان و دابین کردنی ستافی ئەکادیمی ئاست بەرز کە بتوانن ئامانج و دیدی پەیمانگە بەرجەستە بکەن.

·        بەرزکردنەوەی ئاستی کواڵێتی کۆنفرانس و چالاکیە زانستیەکان
هاندان و کارکردن لەسەر ئەنجامدانی چالاکیە زانستیە ناوخۆیی و نێودەوڵەتیەکان کە کاریەگەریان هەبێت لەسەر بەەوپێشجوونی ئاستی  تاک و کۆمەڵگە.

·        هاندان و کاردکەن لەسەر بەشداری زیاتری فێرخوازان
هاندانی بەشداری زیاتری فێرخوازان و خێزانەکانیان لە چالاکیە کۆمەڵایەتی و کلتوری و وەرزشی و هتر هاوتا لەگەڵ فێربوونی و خوێندنی ئاست بەرز

·        کارکردن لەسەر گرانتەکان
کارکردن و دیاریکردن پرۆژەی ئاستی بەرز و وابەستە بۆ خوێندنی باڵا و کۆمەڵگەوە، وە هەوڵدان بۆ بە دەستهێنانی فەندی نێودەوڵەتی لە رێکخراوە نێودەوڵەتیەکانەوە.

·        بەدەستهێنانی بروانامە نێودەوڵەتیەکان (Accreditation)

دانانی بەرنامە و کارکردن بە ئاراستەی بەدەستهێنانی بروانامە نێدوەڵەتیە دیارەکان بۆ برواپێهێنانی سەرجەم و پرۆگرامەکانی پەیمانگە و کۆی گشتی دامەزراوەکە.