پەیمانگەی تەکنیکی کوردستان خولێکی فریاگوزاری سەرەتایی بۆ هێزەکانی پاسەوانی سنوور ئەنجامدا

ڕێکەوت : 12 - Aug - 2026

لە چوارچێوەی چالاکییە بەردەوامەکانیدا، بەڕێوەبەرایەتی تەندروستی و سەلامەتی لە پەیمانگەی تەکنیکی کوردستان خولێکی ڕاهێنانی دوو هەفتەیی سەبارەت بە "فریاگوزاری سەرەتایی" بۆ ژمارەیەک لە کارمەندانی لیوای ۲۱ی هێزەکانی پاسەوانی سنوور ئەنجامدا.

خولەکە لەلایەن د. دلێر جەبار لە بەڕێوەبەرایەتی تەندروستی و سەلامەتی پەیمانگە وتراوەتەوە، بە مەبەستی بەرزکردنەوەی توانستی تەندروستی و ئامادەیی کارمەندانی هێزەکە لە کاتی باری نائاساییدا.