ڕۆژی جیهانی ژنان و مافەکانی ژنان لە چوارچێوەی یاساییدا

ڕێکەوت : 10 - Mar - 2025

لە چوارچێوەی چالاکییە زانستییەکانی پەیمانگە، بەڕێوەبەرێتی زانستی و دڵنیایی جۆری، ڕۆژی یەکشەممە ڕێکەوتی 9/3/2025 لە هۆڵی هۆڵی کۆنفرانسی شێخ فاخر شێخ طیب، بە هاوبەشی ڕێکخراوی INTERSOS و کۆمیساری باڵای نەتەتەوە یەکگرتوەکان بۆ پەنابەران UNHCR بە بۆنەی ٨ی مارس رۆژی جیهانی ژنان سیمینارێک بە ناونیشانی (ڕۆژی جیهانی ژنان و مافەکانی ژنان لە چوارچێوەی یاساییدا) لە لایەن وارڤین مدحت پێشکەشکرد. کە تێیدا ئاماژەی بەو پێشلکاریانە کرد کە بەرامبەر بە ژنان لە شوێنی کارەکان دەکرێت و خانمان چۆن دەتوانن ڕووبەڕووی ببنەوە.

دواتر م. عمر سەرۆک بەشی دیجیتاڵ میدیا و مارکێتینگ بەناوی ڕاگرایەتییەوە سوپاسی ڕێکخراو و وارڤین مدحت کرد و سوپاس و پێزانینی ڕاگرایەتی پێشکەشکردن، ناوبراویش لای خۆیەوە سوپاسی پەیمانگەی کردو هیوای سەرکەوتنی زیاتری بۆ مامۆستایان خواست.

<< >>