دەرفەتێکی دیکە بۆ دەرچووانی خۆشەویستی پەیمانگە

ڕێکەوت : 12 - Feb - 2024

بەرێوەبەرێتی سەنتەری پەرەپێدانی کار لە پەیمانگەی تەکنیکی کوردستان، ساڵانە هەڵدەستێت بە ئەنجامدانی مەراسیمێکی تایبەت بۆ ڕێزلێنان و خەڵاتکردنی ئەو فێرخوازانەی دەرچووی پەیمانگەی تەکنیکی کوردستانن و لە دوای تەواوکردنی خوێندنی پەیمانگە بوونەتە خاوەن کاری تایبەتی خۆیان و کەسانی بەهرەمەند و لێهاتوو بوون، یان بەرپرسیارێتیان وەرگرتووە لە بواری خۆیاندا و توانیویانە بە بەهرەو تواناکانیان ببنە جێگەی شانازی و چاوەڕێی کاری باش و سەرکەوتویان لێبکرێت.

بۆ بەشداربوون لەم چالاکییە پێویستە بە وردی ئەم فۆڕمە پڕبکەنەوە، دواتر لیژنەیەکی تایبەتمەند هەڵسەنگاندن بۆ فۆڕمەکان دەکات و بە پێی پێوەری دیاریکراو و زانستی دەرچووان هەڵدەبژێردرێن و لە مەراسیمێکی تایبەتدا لە مانگی نیسانی ساڵی ٢٠٢٤ بە ئامادەبوونی کەسانی ناودار و سەرمایەداران و خاوەن کۆمپانیا و بەرپرسان و مامۆستایان، خەڵاتی ڕێزلێنان دەدرێت بە دەرچووە سەرکەوتووەکان.

کۆتا ڕۆژ بۆ پڕکردنەوەی فۆڕمەکە ڕۆژی یەک شەممە ڕێکەوتی ٢٠٢٤/٣/١٠، لەم لینکەوە ناوی خۆت تۆمار بکە: https://forms.gle/nJRQumzFgTqYZhMq7

بۆ زانیاری زیاتر و هەرپرسیارێک پەیوەندی بەم ناونیشانی ئەلکترۆنییەی خوارەوە بکەن، یان دەتوانن ڕاستەخۆ لەناو پەیمانگە سەردانی سەنتەری پەرەپێدانی کار بکەن.

[email protected]