ڕاگرایەتی پەیمانگە لەگەڵ مامۆستایان و یاریدەدەری مامۆستایان کۆبوونەوە

ڕێکەوت : 21 - May - 2025

بەهۆی نزیکبوونەوە لە کۆتاییەکانی ساڵی خوێندن ڕۆژی چوار شەممە ڕێکەوتی 21/5/2025، پ.ی.د. ڕێبوار ملا نبی بە یاوەری م. هاوار حسێن یابە بەڕێوەبەری کاروباری زانستی و دڵنیایی جۆری دواین کۆبوونەوەی سازکرد، سەرەتای کۆبوونەوەکە ب. کاروباری زانستی وەک بیرهێنانەوەیەک بە مامۆستایانی ڕاگەیاند: کە چەند ڕۆژێکی کەم ماوە بۆ پڕکردنەوە و داخڵکردنی زانیارییەکانی هەگبەی مامۆستا و ئەو ڕێکارانەی ڕوونکردەوە کە دەبێت مامۆستایان پەیڕەوی بکەن. دواتر ڕاگری پەیمانگە لە وتەیەکدا سەرەتا دەستخۆشی لەسەرجەم ستافی پەیمانگە بە گشتی و مامۆستایان بە تایبەتی کرد، کەوا ساڵێکی پڕ زانست و زانیاری و پڕ دەستکەوتی زانستییان بەڕێکردووە و ئومێدی خواست ئەو ماوە کەمەشی ماوە هەروا بە هەمان گوڕ و تینەوە بەردەوامی پێبدەن، هەروەها باسی لەوەش کرد کە خۆشبەختانە پەیمانگە لەسەر ئاستی نێودەوڵەتی و لە ڕانگینگی جیهانیدا هەر لە بەرەوپێشچووندایە و پشت بەخوا چاوەڕێی مژدەی سەرکەوتنی زیاتر بن.

دواتر کۆبوونەوەکە بە گفتوگۆی نێوان ڕاگرایەتی و مامۆستایان کۆتایی هات.

<< >>