پەیمانگەی تەكنیكی كوردستان و کلینکی کواڵیتی فارما یاداشتی لێکتێگەیشتنیان ئیمزا کرد

ڕێکەوت : 21 - Jul - 2024

ڕۆژی پێنج شەممە ڕێکەوتی ١٨/٧/٢٠٢٤، بە ئامادەبوونی پ.ی.د. ڕێبوار ملا نبی ڕاگری پەیمانگەی تەکنیکی کوردستان، م. گەشە عبدلله سەرۆک بەشی دەرمانسازی، م. هاشم امین بەڕێوەبەری راگەیاندن و پەیوەندییەکان و م. ساڤە عثمان لە بەشی دەرمانسازی، پێشوازی لە بەڕێز د. فرمێسک صابر بەڕێوەبەری کلینکی کواڵیتی فارما کرد. لە دیدارێکی دۆستانە و زانستییانەدا ڕەوشی خوێندن و ئاڵنگارییەکانی بەردەم پرۆسەی خوێندن تاوتوێکران، لەم سەردانەدا هەردوولا تەئکیدیان لە کاری هاوبەش و پێکەوەیی زیاتر کردەوە بۆ بەرەوپێشبردنی ئاستی زانستی فێرخوازان و مامۆستایان و ئەنجامدانی پانێڵی هاوبەش و کاری پێکەوەیی و کردنەوەی خول، هەر لەم دیدارەدا یاداشتی لێکتێگەیشتن لەنێوان هەردوولادا واژۆ کراو بڕیارە لە داهاتوویەکی نزیکدا کاری هاوبەش دەستپێبکرێت. دواتریش ڕاگری پەیمانگەی تەکنیکی کوردستان سوپاسی بەڕێوەبەر و ستافی کلینکی کواڵیتی فارمای کرد بۆ ئەم دەستپێشخەرییە.

<< >>