وەفدێکی فەرماندەیی پێشمەرگەی بەرگری و فریاکەوتن سەردانی پەیمانگەیان کرد

ڕێکەوت : 10 - Jun - 2024

لەمیانەی پەرەپێدانی توانا مرۆییەکان و بە مەبەستی هاوکاری و ڕاهێنانی پیشەییانەی کارمەندانی فەرماندەیی پێشمەرگەی بەرگری و فریاکەوتن، وەفدێکی هێزەکانی فەرماندەیی کە پێکهاتبوون لە بەڕێزان عەمید محەمەد لطیف و عەمید دڵشاد موسا فەرماندەی فەرماندەیی پێشمەرگەی بەرگری و فریاکەوتن، سەردانی پەیمانگەیان کرد و لە لایەن پ.ی.د. ڕێبوار ملا نبی ڕاگری پەیمانگە و بەڕێوەبەری تۆمار و کاروباری زانستی و ڕاگەیاندن و سەرۆک بەشی تەکنەلۆجیای زانیاری پێشوازی کران، لە دیدارێکدا بیروڕا لەسەر چۆنێتی هاوکاری زانستی بۆ کارمەندانی فەرماندەیی پێشمەرگە باسی لێوەکراو بڕیارە لە ئایندەیەکی نزیکدا تیمێکی تایبەت لە بواری تەکنەلۆجیای زانیاری سەردانی فەرماندەیی هێزی پێشمەرگە بکەن و داتا و زانیارییەکان بەشێوەیەکی باشتر و ئەکادیمی ڕێکبخرێنەوە، لای خۆیەوە ڕاگری پەیمانگە سوپاسی هاتنی کردن و بەڵێنی هەموو هاوکارییەکی زانستی لە بوای تەکنەلۆجیادا پێدان و ڕاشیگەیاند کە ئەمە بچوکترین ئەرکێکە کە بتوانین پێشکەشی هێزی پێشمەرگە و خەڵکی کوردستانی بکەین.

<< >>