پیرۆزبێت یادی 239 ساڵەی دامەزراندن و بونیادنانی شاری سلێمانی

ڕێکەوت : 13 - Nov - 2023

فێرخوازانمان بە چەند چالاکییەک یادی سلێمانی بەرز ڕادەگرن

بۆ بەرز ڕاگرتنی یادی 239 ساڵەی دامەزراندن و بونیادنانی شاری سلێمانی، فێرخوازانی پەیمانگەی تەکنیکی کوردستان ڕۆژی دوو شەممە ڕێکەوتی 13/11/2023 هەستا بە ئەنجامدانی ڤستیڤاڵی ساڵانەی خۆیان، کە چەندین چالاکی جۆراوجۆر بەم بۆنەیەوە لە لایەن فێرخوازانەوە بەڕێوەچوون.

تێیدا فێرخوازان بە چەند چالاکییەک ئەم یادەیان بەرز ڕاگرت، بەڕێوەبەری ڕاگەیاندن و پەیوەندییەکانی پەیمانگە لە وتەیەکیدا بە ناوی ڕاگرایەتی پەیمانگەوە پیرۆزبایی لە سەرجەم هاونیشتیمانیانی ئەم شارە و فێرخوازان کرد و دەستخۆشی لە سەرجەم فێرخوازانی بەشەکان کرد کە ئەم چالاکییەیان ڕێکخستووە.

شاری سلێمانی لە ڕێکەوتی 14/11/1784 بونیادنراوە، ساڵانە لەم ڕۆژەدا ئەم یادە بەرز ڕادەگیرێت، هەر بۆیە فێرخوازانی پەیمانگەی تەکنیکی کوردستان بەم بۆنەیەوە چەند چالاکییەکی ئەنجامدا.

<< >>